«Наурыз тойы-мерекем, салт-дәстүрім берекем»

Мәлік Ғабдуллин атындағы орта мектебінің ауласында «Наурыз тойы-мерекем, салт-дәстүрім берекем» тақырыбында үлкен іс-шара өткізілді. Сахна мен мектеп ауласы мерекеге сай безендіріліп, көпшілікке ерекше мерекелік көңіл-күй беріп тұрды.
Іс-шара барысында Қыдыр атаның батасымен басталып, шашу шашылып,«Тұсау кесу»,«Бесікке салу»,«Бастаңғы»,«Байғазы»,«Сүйінші сұрау» «Қыз қуу»салт- дәстүрімен жалғасын тапты. Мектеп директоры Смайыл Гауһар Байтұрғанқызы ұстаздар мен оқушыларды наурыз мерекесімен құттықтады. Сондай-ақ ұлттық киімдегі оқушылар ән шырқап, мың бұралған бишілер әсем билерін тарту етті.
Мерекелік іс-шара ұлттық ойындармен жалғасын тапты. Ұлттық ойындардан «Асық ату»,«Арқан тартыс» және «Қол күресінен» оқушыларымыз сайысқа түсті. Жеңімпаздарымыз марапатталып, барлық жиналған көпшілік ақ дастарқанға отырып,«наурыз көжеден» дәм ауыз тиді.